Guin
sasakyan pamulitika an libre nga kontador para han mga aplikante pagpataud hin
electrisidad ha Bungto han Guiuan ug hine nga cooperatiba.
Sumala
han katatapuran nga surok ug usa nga membro han Board in nagpahayag hin
dismayado ngadto hine nga daku nga Politiko nga an representar han Eastern
Samar kat tungod guin aankon hine nga libre an kontador nga ipinan hatag ngadto
han hin-o man nga karuyag magpataod hin electricidad han ESAMELCO.
Nahinsabotan
ine nga gimik o panloloko hine nga nasabi nga pulitiko han may dumanghala ngato
hin usa nga membro han Board ug nagsiring ine nga tawo nga hiya in guin sugo
pagkuha hin kontador hine nga pulitiko ug madakmol na iton nawong pag ankon hin
mga Proyekto bisan kun dire iya panlimbasog , nga iya kuno ine nga kontador nga
libre nga ipinanhatag ngadto ha mga bag-o nga kleyente han ESAMELCO.
Ha
pakigsumpay han Guiuan Media Bureau ngadto kan Engr. Totsie Sabulao, membro han
Board agud maklaru ine nga issue iya pinanhinua ug guin klaro ha Media nga
waray politico nga nagpapaluyo hine, lugod ine in panalimbasog han bug-os nga
board han cooperatiba han ESAMELCO nga makabulig ha mga bag-o nga mga kleyente
nga dire nakaka akus han kabaraydan pagpataod amo nga libre nala an kontador ug
waray bayad, lugod an babayaran nala han mga bag-o nga magpapataod adton
kagamitan sugad wirings ug iba pa nga magagamit duranti han installation.
