Iton
local nga pangoberno han Guiuan pinaagi kan Mayor Annaliza Gonzales Kwan in
nakatalaan mag dumara hin pakipaghimangraw o dialugo hiton management hiton
tulo nga exiher nga mining firms ha isla
han Homonhon hine nga mga tiarabot nga semana.
Sumala
kan Mayor Kwan iya igpapatawag iton mga representative particular iton mga
operation manager hine nga tulo nga naexiher nag mimina ug operators ha isla
han Homonhon agud paghisgutan iton mga problema nga nakadangat ha iya ngan
kadagmitan matagan ine hin solusyon.
An
tulo nga nag mimina ha Homonhon Island amo an Mt. Sinai Mining Corporation ngan
an Cambayas Mining Corporation nga may ada Mineral Production sharing agreement ug an EMIR Mineral resources
Coorporation nga ha pagkayanan in aada pala exploration activity ha Homonhon.
Igin
pahayag pa ni Mayor Kwan nga iton iya buhatan o opisina ine in nakakarawat hin
mga sumbong ha mga residente ha walo nga mga barangay ha Homonhon island nga
iton mga kalsada didto hine nga dapit in nangangaulangan hin paghingayad tungod
kay aada na ine ha kadilikaduhan hin pag-agi tikang han usa nga Barangay ngadto
hin lain nga lugar dara han kahibang hine nga nagkaada na hin dagko nga mga
luho nga sumala han report nga an kahibang hine nga mga kalsada in dara han
adlaw-adlaw nga pag- inagi-e hin mga
heavy equipment ug dagko nga mga sasakyan nga gin gagamit hine nga tulo nga
mining fims.
Sumala
kan Mayor Annaliza Gonzales Kwan an iya pagpatawag ha iya office ha munucipyo
han Guiuan agud paghisgutan an kadagmitan nga bulig ngada ha local ngan
pangobernohan ug ira igpatuman ngan tumanon an ira corporate social
responsibility.
Igin dugang pa nia
nga ine problema han pagkaruruba han kakalsadahan ug mga tulay didto hine nga
isla an iya mismo nakita han hiya in bumisita hadin nakalabay nga bulan han
Marso 16, 2012. Sering pa ni mayor Kwan nagtoto hiya nga dire magpapabaya ine
nga tulo nga mining firms kay tungod hira in nag propromote han responsible nga
paagi hiton ira operasyon ug ine nga problema iya personala nga igdadanhala
ngada hine nga mga tinalawas han nagminina.
