Naging
manilampuson an katatapos pala nga medical ngan dental mission ha gymnasium ha
bungto han Guiuan kakulop nga adlaw.
An
nasabi nga panambal in guin sponsoran ni Vice –President Jejomar Binay, Bise
Presidente han Pilipinas ha pakigsumpayan naman kan Vice-Governor Christophjer
Sheen Gonzales –Bise Governador han Probincia han Sinirangan Samar.
Ha
pakighimangraw kan Vice Governor Gonzales iya guin papasalamatan an Bise
Presidente han Republika han Pilipinas han hul-os hine nga bulig ha bungto han
Guiuan lakip na an mga residente han 60 nga mga Barangay nga nakatagamtam hine
nga libre nga panalagsa nga ayuda medical.
Igin
pahayag pa ni Vice Governor Gonzales nga ha kadamo hin mga siyudad ug bungto ha
Pilipinas usa han pinalad hine nga makatagamtam ngan libre nga bulig medical
amoan bungto han Guiuan.
Samtang
iya liwat pinasasalamatan hira Dra. Rose Fajardo Aranas, Dra. Mary Jane Daria
Egam, Dra. Carlita Felizen, nga amo an nanguna ha dental nga pagtambal ha
ngipon. Iya liwat pinasasalamatan hira Dra. Marichu Arganda Flores, Dra. Maria
Alma Lajara-Eclipse, Dra. Lilia Daguinod, Dra. Marilyn Caliwan-Capanang nga amo
an nanginano han magsinakitnon nga mga pa check up durante hine nga libre nga
panambal, lakip na nga pinasasalamatan han Bise Gobernador an mga nag assister
han mga doctors ug nagpaluyo hine nga medical ug dental mission, ug libreng
gupit.
May-ada
naman kwatro sientos biente (420) an naserbisyuhan medical, dos sientos
singkwenta tres (253) an natagan hin ayuda parti ha ngipon, ug siento
singkwenta otso (158) naman an nakapaghimulos han “libreng gupit” nga guin
sponsoran naman ni Vice Governor Christopher Sheen Gonzales.
Usa
naman nga residente han Guiuan an pinalad nga natagan han wheelchair nga libre
nga hatag tikang han buhatan han Bise Presidnte han Republika han Pilipinas.
