NAGPAHAYAG NA HI GUIUAN MAYOR ANNALIZA GONZALES KWAN PAGKUHA HIN LINGKURANAN HA CONGRESSO.

GIN PARA NA AN MGA ESPLIKASYON HAN MAG PAHAYAG NA HI MAYOR ANNALIZA GONZALES KWAN HA MGA MEMBRO HAN GUIUAN MEDIA BUREAU HIYA IN INTERESADO PAG KANDIDATO YANA NGA 2013 MID TERM ELECTION PAGKA CONGRESSWOMAN HA LONE DISTRICT HAN EASTERN SAMAR.

HI MAYOR KWAN IN GUEST SPEAKER HAN 1^ST MEDIA SEMINAR WORKSHOP HAN NAGLABAY NGA ADLAW, IN NAGSERING NA NAGKONSULTA NA HIYA HAN IYA IG KASI GUIANANON NGAN MGA POLITICAL LEADERS HA BORONGAN HIRA IN NAGKAUROSA HIN PAGTANGDO UG PAGSUPORTA HITON IYA POLITICAL PLAN YANA NGA 2013.

IGIN PAHAYAG PA NIYA, NGA AN IYA PLANO PAGDALAGAN PAGPATALBO HA LINGKURANAN KAN EVARDONE HA CONGRESO IN PAGSALIWAN HAN NAHIUNA NGA DESISYON NGA HI VICE-GOVERNOR SHEEN GONZALES NALA AN MAKANDIDATO KA MAYOR HA BUNGTO HAN GUIUAN UG HI MAYOR KWAN AN OPISYAL NGA MAKANDIDATO KA CONGRESSWOMAN HA EASTERN SAMAR.

HIRA NGA MAGBUGTO MAYOR KWAN UG VICE GOVERNOR GONZALES IN MADALAGAN HA ILARUM HAN BANDERA HAN LIBERAL PARTY KAUPOD HI GOVERNOR NICART, JR.

SERING PA NI MAYOR ANNALIZA KWAN NGA HA BENDISYON HAN MAKAGARAHOM NGA DIOS HIYA IN PINAKASIYAHAN NGA BABAYE CONGRESSWOMAN HA EASTERN SAMAR.

AN KILALA NGA MAYOR IN MAKIKIG ASDANGAY HITON INCUMBENT CONGRESSMAN NGA NALINGKOD HIN USA PALA NGA TERMINO NGA IYA PAGHUHUWARON HA LINGKURANAN HA CONGRESSO.

HI MAYOR KWAN IN AADA NA HA IYA LAST TERM KA MAYOR HA BUNGTO HITON GUIUAN UG DURO KA KWALIPIKADO PAGKAPOT HIN PUESTO HA CONGRESSO,TUNGOD KAY INE HIYA IN PERMI VALEDICTORIAN TIKANG HAN ELEMENTARY KUTUB SECONDARYA NGA PAG ESKWELA. HI MAYOR KWAN IN NAG-ARAM NGAN GRADWADO HIN ACCOUNTANCY HA DE LASALLE UNIVERSITY HA MANILA, USA HIYA NGA CERTIFIED PUBLIC ACCOUNTANT , NAG PAILARUM LIWAT HIYA HIN PAG ARADMAN HA UNIVERSITY OF THE PHILIPPINES MANILA HIN NATIONAL COLLEGE OF PUBLIC ADMINISTRATION AND GOVERNANCE, ATENEO DE MANILA SCHOOL OF GOVERNMENT, UNIVERSITY OF ASIA AND PACIFIC (STRATEGIC BUSINESS AND ECONOMICS). NA ELEHER KUMO BOARD MEMBER, TOPNOTCHER      HA SECOND DISTRICT HAN TUIG 2011, NGAN HA PAGKA YANA HIYA IN BAG-O PALA NGA NA EELEHER KA PRESIDENT HAN GIRL SCOUT OF THE PHILIPPINES, EASTERN SAMAR COUNCIL.