NANAWAGAN HA PUBLIKO HI
PNP REGIONAL DIRECTOR CHIEF SUPERINTENDENT ARNOLD REVILLA HA MGA TAWO HAN MODUS
OPERANDI HAN BUDO-BUDOL GANG.
GIN SUMAT NI REVILLA HA GUIUAN MEDIA BUREAU (G-M-B) HAN MAKIGSUMPAY INE, NGA USA NGA 18 ANYOS NGA
DARAGA NGA TAGA BARANGAY SUNGCO HAN BORONGAN, EASTERN SAMAR AN PINAKABAG-O NGA
BIKTIMA HAN GINTATAWAG NGA BUDO-BUDOL
GANG HAN HIYA IN ARU-AN HIN MASOBRA 18
MIL KA PESOS MAHUMAN TUMAPOD HA LUYO HAN DIRE NIYA MGA KAKILALA NGA MGA
KABABAYEN-AN.
SUMALA KAN REVILLA, MAHUMAN MAKA WITHDRAW AN BIKTIMA HAN
18 MIL KA PESOS HA METRO BANK, BORONGAN BRANCH HIYA IN GUIN DAOP HINE NGA
KABABAYEN-AN NGA NAG-AARO HIN BULIG NGA SARAKYAN TIPAKADTO HA CATBALOGAN SAMAR.
IGIN BILIN AN BAG
HAN DUHA NGA SWENDLER NGADA HINE NGA BIKTIMA DUNGAN AN PAGPATAPOD NGA HIRA IN
MABALIK TUNGOD KAY MAY-ADA SULOD NGA 50 MIL KA PESOS, NGA IRA BABALIKAN SAKOB
HIN TULO KA ORAS.
DENHI NAG DUDA NA AN BIKTIMA HAN WARAY NA BUMALIK AN MGA
KABABAYEN-AN, NGAN IYA NALA GIN ABREHAN AN BILIN NGA BAG NGAN DIDA IYA
NADISKUBREHAN NGA MGA INUTOD LA NGA MGA PAPEL NGAN KALAKIP NA HIN MGA DAGKO NGA
BATO.
GINPAPANAWAGAN AN PUBLIKO NI REVILLA, LAKIP NA AN BUNGTO
HAN GUIUAN NGA MAGIN MABINANTAYON, NGAN KUN MAY-ADA NIRA GINDUDUDAHAN NGA MGA
TAWO ALAYON PAG REPORT HA PINAKAHIRANI NGA PNP STATION.
HA PAGKAYANA IN HALAWIG NA IMBISTIGASYON AN GUIN DUDUMARA
HAN BORONGAN PNP UG AN MGA SUSPETSADO IN PADAYON PA NGA GUIN HAHALPAT HAN MGA
OTORIDAD.
